Liebi Fasnachtsfründe

 

Mir alli hän ghofft, dass d’Fasnacht 2021 dörf stattfinde.

Wie mir jetzt aber wüsse, seit e höcheri Macht «Nei!»

 

Do hän mir dänggt, als Duftmanufaktur

us dr Region Basel möchte mir zumindescht

olfaktorisch däm «Nei!» entgegewirke

und mit unserem Ruumduft derzue bytrage,

dass d Naase e Weneli durch die

fasnächtliche Gasse streife ka.

Dorum: Auge zue, Drummle und Pfyffe

oder e Guggemuusig aloose und gniesse!

 

Die abgseiti Fasnacht risst ere mänge Clique e Loch

ins Portmonnaie. Dorum wärde mir vo jedem

verkaufte Ruumduft

e Fünfliber ans Fasnachtscomitéé spände.

 

 

Unseri Interpretation vo:

 

«Es schmeggt nach Fasnacht»

 

E fiins, warms Mimose-Bouquet verbunde mit

dr fruchtig-siesse Orangsche und eme Huuch vonere

exklusive Rose, wo du jetzt grad vo mene Waggis

beko hesch;

kombiniert mit dr Vorstellig, dass du imene

Clique-Käller sitzisch, e Glas troggene Wysse

und e Faschtewaie mit Kümmi vor dir hesch.

Das alles mit dr Gwüssheit, wenn de

usegosch, die kiehli Winterfrüschi vo nere

schöne Fasnacht spührsch.

 

 

 

 

Inhaltsstoff:

Isopropylideneglycerol,

Dipropylene Glycol, Parfum,

Benzyl alcohol, Butylphenyl methylpropional,

Citronellol, Coumarin, Eugenol, Farnesol,

Geraniol, Limonene, Linalool

 

 

Es schmeggt nach Fasnacht (Basel-Land)

Artikelnummer: FasnachtBL21
CHF 29.00Preis